Mom in lockdown

-
                                     

કોઈ પણ મુશ્કેલી હોય પણ આપણા ગુજરાતીઓ જમવાનું ના ભૂલે. હું અહિયાં ઓફીસનું ટેન્શન કરતી હતી ત્યાં મમ્મીને એક જ પ્રશ્ન હતો કે, ઘરમાં શું કરિયાણું છે ? શાક શું છે ? રોજ શું જમશું? એ પણ એમની જગ્યાએ સાચા છે કે, રસોઈ અને બધાનું પેટ ભરવાની જવાબદારી તેમના પર હોય છે એટલે ચિંતા થાય. લોકડાઉનમાં થોડી છૂટ આપી હતી ત્યારે મમ્મી થોડી વસ્તુ લેવા દુકાને ગયાં.

મમ્મી: મોરસ છે ?
દુકાનદાર: ના.
મમ્મી: 1 કિલો વ્હીલ પાઉડર છે ?
દુકાનદાર: ના.
મમ્મી: મેગીના પેકેટ તો હશે ને ?
દુકાનદાર: ના.
મમ્મી: ડેટોલ સાબુ છે અથવા તો હેન્ડવોશ ?
દુકાનદાર: ના.
મમ્મી: બાલાજીની વેફર છે?
દુકાનદાર: ના બીજી કંપનીના છે.
મમ્મી: વાઘ-બકરી ચા છે?
દુકાનદાર: ના, મિલી કંપનીની છે.


થોડી વાર સુધી આ પ્રશ્નો અને જવાબ ચાલતા રહ્યા અને મમ્મીએ કંટાળીને પૂછ્યું.

મમ્મી: દુકાનમાં તાળું છે?
દુકાનદાર: હા,
મમ્મી: તો એક કામ કરો, તાળું મારીને ઘરે જતા રહો.





Comments

Post a Comment

Popular posts from this blog

લદ્દાખ- ધરતીનું સ્વર્ગ

-
Image
હાલ મેં કાનમાં હેડફોન ભરાયેલા છે, જેમાં  ઈમ્તિયાઝ અલીની ફિલ્મ તમાશાનું 'તું કોઈ ઔર હૈ' સોંગ વાગી રહ્યું છે. હું હાલ બેંગ્લોરના 2 bhk ઘરમાં બેઠી છું,  લદ્દાખથી આવ્યા એને 3 દિવસ થઈ ગયા છે, પણ નજર સામેથી હિમાલયની પર્વતમાળા ખસી રહી નથી.  કોઈ જગ્યા આટલી બધી સુંદર કેવી રીતે હોય શકે !! તમે માનવનિર્મિત 100 માળની બિલ્ડિંગ જોઈ લો અને તેની સામે પ્રકૃતિ !! આ વર્ષના 6 મહિના વીતી ગયા પછી હું આજે બ્લોગ લખવા બેઠી છું. મેટ્રો સિટીની વ્યસ્ત જિંદગીમાં એટલા બધા ડૂબી ગયા અમે બંને કે અમે પોતાને ઉજવવાનું આ પૃથ્વી પર જીવતા હોવાનું ભૂલી ગયા હતા. ઘણા સમયથી મીત એમ બોલતો કે યાર ફોરું, હવે આપણે લીઝર ટ્રિપ કરવી જોઈએ, ક્યાંક Airbnb પકડીને ત્યાં પડ્યા રહેવાનું !!  પણ, હું આ મીતને નથી ઓળખતી. હું એ મીતને ઓળખું છું જે એકપણ ખૂણો ફરવાનો બાકી ના રાખે અને એ પણ રખડેલ ભોમિયાની જેમ. લીઝર ટ્રિપ કરવાની ઉંમર ક્યારેય આવવી ના જોઈએ!!!! બાઈક ટ્રિપનું નક્કી અમારું 1 મહિના પહેલા જ થયું. અમે બંનેએ કેમની રજા મૂકીશું, કેવી રીતે મેનેજ કરીશું તેનું કઈ ટેંશન જ નહોતું લીધું. બુકિંગ કરી દીધુ છે એટલે જખ મારીને જવું જ પડશ...
Read more

કુદરતની કરિશ્મા: કોડાઈકેનાલ

-
Image
"છું કુદરતનું સંતાન, કુદરતના ખોળે બેસી, કુદરત સંગે રમું છું" કોડાઈકેનાલ, તમિલનાડુનું સ્વર્ગ કે જ્યાં વાદળો આખો દિવસ તમારી સાથે વાતો કરતા રહે છે. એટલી નીરવ શાંતિ કે 5 કિમી દૂર કોઈ વાત કરતું હોય તે આપણને સીધું સંભળાય. આવી જગ્યાએ અમે ઉજવ્યા અમારા જન્મદિવસ!! કોડાઈકેનાલનો પ્લાન એકદમ 2 કલાકમાં બની ગયો હતો, મીતની બર્થડે+મારી બર્થડે+અમારી એનિવર્સરી બધું 5 દિવસમાં લાઈનમાં આવે છે. બર્થડેમાં અમને મોંઘા ચટક રેસ્ટોરાંમાં, ઈસ્ત્રી ટાઈટ કપડાં બેસીને, 2000 રૂપિયામાં 5 ચમચી પાસ્તા સાથે બિસલેરી વૉટર પીવામાં કોઈ રસ નહોતો. અમે તો રહ્યા ભોમિયા, વહેતી નદીમાં મોં ડૂબાડીને પાણી પીવાવાળા માણસો !! કોડાઈકેનાલ અમને અત્યાર સુધીનું સૌથી સુંદર હિલ સ્ટેશન લાગ્યું કેમ કે અમે પ્રોપર સિટીમાં રોકાયા નહોતા, આ લોકેશન 2 વર્ષ પહેલાં ગુજરાતમાં જેમ અમે ડેડિયાપાડામાં રોકાયા હતા તેવું જ હતું. સિટી લાઈફથી દૂર. કે જ્યાં સૌથી ઊંચા પર્વત પર એક નાનકડું ઘર હોય. આ ઘરની બારીમાંથી સૂર્ય દેખાય, જે વાદળ સાથે થપ્પો રમી રહ્યો હોય. અમને લાગે છે અમે 4 દિવસમાં આખા વર્ષનો ઓક્સિજન અમારા શ્વાસમાં ભરી લીધો.  મારા પૂર્વ જર્નાલિસ્મના અનુભવથ...
Read more

It's a rape, who will be next?? ! !

-
Image
મારી દીકરી નહોતી, તે મારી મિત્ર પણ નહોતી, તેને હું ઓળખતો પણ નથી, તેને ક્યારેય જોઈ પણ નથી, તેના પરિવારને ઓળખતો નથી, તેનો સ્વભાવ મને ખબર નથી, તેનો અવાજ મેં સાંભળ્યો નથી, તેના સપનાં મને ખબર નથી, તે શું ભણે છે તે મને ખબર નથી, તેમ છતાં આજે એના સમાચાર આવ્યા અને હું તેના માટે ન્યાય માગવા માટે લાઈનમાં ઊભો રહી ગયો છે-આ દેશનો નાગરિક. દેશમાં ફરીથી એક માસુમ નિર્ભયાનો જીવ અને આત્મા હણાયો. હજુ કેટલી દીકરીઓ? શા માટે? આનાથી વધારે ખરાબ કૃત્ય થાય તેની રાહ જોવાની? ન્યાય આપવા માટે શું રસ્તા પર તમાશા કરવાના? શું ન્યાયતંત્ર કે સરકાર અંધ કે બહેરી છે? ઉત્તર પ્રદેશની દીકરી સાથે જે થયું તે વિચારતા રૂવાંટા ઊભા થઇ જાય છે. અડધી રાતે તેની ચિતાને અગ્નિ આપી. શા માટે? ન્યાય માટે વર્ષો સુધી રાહ જોવાની. નિર્ભયાની માતાની આંખો અને તેમના શબ્દો આજે પણ મને યાદ આવે છે, આરોપીને ફાંસીની સજા થાય માટેની લડાઈમાં તેમના પગના ચમ્પ્પ્લ ઘસાઈ ગયા હતા. ઉત્તર પ્રદેશની દીકરીના આરોપીઓ વિશે બધાને ખબર છે? શા માટે રાક્ષસોના ફોટોઝ વાઈરલ નથી થતા? દેશમાં કોઈ પણ રેપનો કેસ આવે છે ત્યારે શા માટે તેની જાતિને સેન્ટર ઓફ ધ પોઈન્ટ બનાવી દેવામાં આવે છે? જ...
Read more