Gratitude

એવું લાગે છે કે જાણે આંખના પલકારામાં તો વર્ષ 2025 પૂરું થઈ ગયું. ના, પણ આ આંખ પલકારામાં 2025 કેટ કેટલું શીખવાડી ગયું અને કેટ કેટલું ભૂલાવી પણ ગયું.  2025નું વર્ષ એટલે ભરપૂર રોલર કોસ્ટર. તું અને હું આપણે બંને આ વર્ષે સાથે જીવ્યા, હસ્યાં, રડ્યા, જમ્યા, લડ્યા અમે મન મૂકીને ફર્યા, જેમ ભોમિયો ફરે એમ. હું જયારે જાન્યુઆરી મહિનાથી લઈને અત્યાર સુધીના ફોટો જોતી હતી ત્યારે એમ થયું કે એવું લાગે છે કે 10 વર્ષની યાદો આવી ગઈ.  આ વર્ષે આપણું સપનાનું ઘર બનાવ્યું. તારી અને મારી ડ્રિમ જોબના ઈન્ટરવ્યૂ ક્રેક કર્યા. હોટેલના બુકીંગ કે પછી કોઈ પણ આઈટનરી બનાવ્યા વગર બસ એક બેગ લઈને નીકળી પડ્યા. તને શરૂઆતમાં તો હું પાગલ લાગતી હતી કે " ફોરું, આવું થોડી હોય, પ્રોપર પ્લાનિંગ તો કરવું પડે ને યાર !! શું તું પણ !! હવે શું હાઈવે પર હોટેલ શોધવાની !! " અને સાચે આપણે અમદાવાદથી બેંગ્લોર રોડ જર્ની કરતા હતા ત્યારે રાતના 1 વાગે આપણે હાઈવે પર હોટેલ શોધતા હતા. સાપુતારાના અંધારાભર્યા જંગલમાં ઘૂસી ગયા હતા અને હનુમાન ચાલીસા સાંભળતા સાંભળતા એ જંગલ ક્રોસ કર્યું. અને ત્યાં આપણને દેખાયો દીપડો !!! શું દ્રશ્ય હતું એ !! હું...

"જો ફોરમ હું તને પહેલાં જ કહી દઉં, બધા ભલે કહે કે આ મકાન મારું જ છે પણ આપણે બંને ભેગા થઈને આપણું પોતાનું ઘર બનાવીશું, જેને હું પોતાનું કહી શકું. આપણું ઘર એવું હશે કે જેમાં પગ મૂકતા વેંત જ દરેક દીવાલો આપણને બાથ ભીડી લેશે અને દરેક ખૂણામાં ફોરમ મહેકતી હશે. તને ચાલશે ને? "  " જો મીત હું તને પહેલાં જ ચોખવટ કરી દઉં. હું એવી છોકરી નથી કે જે તારી સાથે ઘર જોઈને લગ્ન કરે કે પછી જેની નજર તારી પ્રોપર્ટીમાં હોય. આપણે બંને ભણેલા છીએ, મહેનત કરીશું અને એક-એક તણખલાથી આપણો માળો બનાવીશું. બહુ બહુ તો શું થશે, થોડો મોડો બનશે એ જ ને !! પણ તું પ્લીઝ આજ પછી આવું દિલમાં કે મનમાં ન રાખતો. જ્યાં તું છે, એ જ મારું ઘર છે. "  "હાઈશ ફોરમ આ એક એવી જગ્યા છે, જેને હું પોતાનું કહી શકું." દોઢ વર્ષથી અમે અમારા ઘરને ફ્રોમ ધ સ્ક્રેચ બનતા જોયું. અમારું આ ઘર એટલે મારો લવ એટ ફર્સ્ટ સાઈટ. ઘણા લોકો કહેતા હોય કે, ઘર જોવામાં તો આખું વર્ષ નીકળી જાય પણ અમારા દિલમાં શરણમ પહેલી નજરે જ વાસી ગયું હતું અને પછી બીજા કોઈ પણ જોતા હતા તે દિલમાં નહોતું ઉતરતું.  ઘર બુક કરતી વખતે ઘણું બધું ગણિત બેસાડ્યું અને હજુ ...

બ્લૉગના નામ પરથી તો તમને ખબર પડી જ ગઈ હશે કે આનો વિષય શું હશે !! પણ આ બ્લૉગ થોડો અલગ છે એ કઈ રીતે એ તો તમારે કહેવું પડશે !! અમારા વીકેન્ડના પ્લાન પહેલેથી ફિક્સ નથી હોતા, જ્યારે પણ જ્યાં જવાનું મન થાય કે તરત અમે ઝોલો લઈને નીકળી પડીએ. મને ડિસેમ્બર અને જાન્યુઆરી મહીનો બહુ ગમતો કેમ કે આ મહિનામાં સ્કૂલમાંથી પ્રવાસમાં જવા મળે. અમે બંનેએ સ્કૂલ છોડી એને તો વર્ષો થઈ ગયા પણ પિકનિક તો જઈ શકીએ ને ?  વિચારમગ્ન થઈને મારી બુક વાંચતો મીત કબન પાર્ક એટલે બેંગ્લોરનું સૌથી મોટું જંગલ કે જ્યાં માણસો ઓછા અને ઘટાદાર વૃક્ષો વધારે છે.  મારા પગની રિંગને નીરખી રહેલી હું. ગુજરાતી જ્યાં પણ જાય ત્યાં થેપલા હોય જ. અમારા લંચ બૉક્સમાં છે મેથીના થેપલા, કાકડી અને દહીં. આટલા ખુશ તો અમે કોઈ રેસ્ટોરાંમાં સેલ્ફી લઈએ ત્યારે પણ નહીં હોતા !! જગ્યા જગ્યાની વાત છે સાહેબ!! થેપલાના બિહાઇન્ડ ધ સીન: સવારે 6 વાગ્યે અડધી ઊંઘમાં લોટ બાંધ્યો. ડર એ જ હતો કે મીઠું મેં નાખ્યું હતું કે નહીં ! ! પણ નાખ્યું હતું ભાઈ..ભૂલી નહોતી ગઈ. લોકોને રોટલી ફુલાવતા પણ દમ નીકળી જાય છે ત્યારે મારા થેપલા ફૂલતા જોઈને ગર્વ અનુભવતી હું. મીત: ફોરમ તને દ...