Ice gola
ઓયય....તારે આવવું છે ગોળા ખાવા ? ઉનાળામાં કદાચ રાતે જમીન બધાના ઘરેથી આવો અવાજ સંભળાતો હશે. ગરમીમાં ચૂસકા ભરીને બરફના ગોળા ખાવાની મજા જ અલગ છે અને ઘણી વખત તો પેટ ભરેલું હોય તો પણ એકસાથે 2-૩ પણ ખાઈ લઈએ.
બરફના ગોળા ખાવાની જે મજા છે તેવી ડીશ ખાવામાં નથી તેવું મારું માનવું છે, કારણકે ફિલિંગ મહત્ત્વની છે. ગોળા ખાતી વખતે મારી બહુ જૂની ટેવ એ છે કે હું અલગ-અલગ ફ્લેવર સાથે મિસ મેચ કરીને અખતરા કરતી હોવ, ઘણી વખત આ અખતરા કરવાની મજા આવી છે તો ઘણી વાર બરફનો ગોળો પરાણે પણ પૂરો કરવો પડ્યો છે. જે પણ હોય બરફના ગોળા અને ગરમીનું કોમ્બિનેશન જોરદાર છે.
આ વર્ષે પ્રિય એવા કોરોના વાઈરસને લીધે દૂર-દૂર સુધી મને તો ક્યાંય બરફનો ગોળો કે તેની લારીના દર્શન નથી થયા અને હવે તો વરસાદે પણ પધરામણી કરી લીધી છે એટલે આ વર્ષે તો ગોળા ખાવાના કોઈ ચાન્સ જ નથી એવું કહી શકાય. એવું નથી કે ગોળા માત્ર બહાર જ મળે છે ઘરે પણ બનાવી શકાય છે પણ તેમાં બહાર જેવી મજા નથી.
આશા અમર છે ! આવતા વર્ષે આ વર્ષનું પણ હાટુ વાળી લઈશું અને હાઈવે પર બેસીને ગરમ પવનમાં ઠંડા બરફના ગોળા ખાઈશું.
મારું ફેવરિટ કોમ્બિનેશન પાઈનેપલ અને ચોકલેટ છે, તમારું શું છે ?
Comments
Post a Comment